LXXIV Temporada de Ópera de Oviedo: 'La bohème' (VIENRES D'ÓPERA)

El llibretu de la ópera describe la vida d'unos mozos bohemios nel Quartier Latin de París del sieglu XIX. Los protagonistes Rodolfo y Mimì namórense, pero la miseria interpónse na so felicidá. La traxedia desencadénase de forma cruel al morrer la protagonista de tuberculosis. Esti triste final ye ún de los más conmovedores de la historia del xéneru.

'La bohème' foi'l primer ésitu de Puccini. Les sos guapes y inolvidables melodíes conviértenla nuna de les obres maestres del repertoriu. Un destacáu repartu integráu por Antonio Corianò (Rodolfo), Simona Mihai (Mimì), Javier Franco (Marcello) y Elena Sancho Pereg (Musetta) dará vida a los personaxes principales de la ópera. Corrado Rovaris va tar a cargu de la direición musical cola Orquesta del Principado y Emilio Sagi de la direición escénica, nuna producción que tuvo un gran ésitu.