LXXIV Temporada de Ópera de Oviedo: 'Die Zauberflöte' (VIERNES DE ÓPERA)

La ópera de Wolfgang Amadeus Mozart empondera valores como la discreción, l'amistá y la prudencia, combinando de forma perfeuta elementos bufos, serios y populares. Los personaxes d'esti llibretu de cuentu de fades son dos pareyes de mozos qu'entamen un viaxe d'iniciación enllenu de torgues. Al final d'esta aventura la lluz trunfará sobre les tiniebles y la maldá, imponiéndose la xusticia y la sabiduría. Pa munchos estudiosos esta obra escuende un mensaxe francmasón, illuminista, esotéricu o políticu ocultu. De lo que nun hai dulda ye que la última ópera de Mozart ye una de les grandes obres de la historia de la música.

Nel repartu rescamplen artistes como María Rey-Joly (Reina de la Nueche), Manel Esteve (Papageno), Airam Hernández (Tamino) y Jaquelina Livieri (Pamina). El maestru Lucas Macías debuta na temporada al frente d'Oviedo Filarmonía y Albert Estany va tar a cargu de la direición escénica nuna producción nueva de la Ópera de Oviedo.