Ludovico Einaudi

L'ilustre compositor y pianista italiano Ludovico Einaudi llega esti branu al Centro Niemeyer col que promete ser ún de los eventos culturales referentes de los últimos años n'Asturies. Artista d'estilu propiu y creador de bandes sonoras inconfundibles, el maestru Einaudi enllenará coles sos melodíes al aire llibre la plaza del espaciu cultural de la ría.

Va facelo pa presentar 'Underwater', álbum col que regresa al pianu solista venti años depués. Asoleyáu en xineru del 2022 de la mano de Decca Records, cuenta con doce composiciones de 'pianu solu' que muestren el so soníu inconfundible con sutileza.

Anque nes grabaciones Ludovico Einaudi y el pianu son los únicos protagonistes, nel conciertu nel Centru Niemeyer l'italianu va tar acompañáu n'escena por otros trés artistes: Federico Mecozzi (violín), Redi Hasa (violonchelu) y Francesco Arcuri (electrónica y percusión).