Luar na Lubre

El grupu más internacional del folk en Galicia, fundáu n'A Coruña nel 1986, presenta los cantares del so trabayu recopilatoriu 'Luar na Lubre XX. Encrucillada', editáu en formatu llibru-discu, que recueye dalgunos de los temes más emblemáticos del so ampliu repertoriu. Nél participen diferentes voces que pasaron pel grupu y cuenta amás con una cronoloxía fotográfica y lliteraria de la so dilatada historia con testimonios de más de 60 personalidaes de la música, la lliteratura y el periodismu.

Luar na Lubre ta formáu anguaño por Bieito Romero (gaites, acordión y zanfoña), Irma Macías (voz), Nuria Naya (violín), Patxi Bermúdez (bodhran y tambor), Pedro Valero (guitarra acústica), Xavier Ferreiro (percusión llatina y efeutos), Xan Cerqueiro (flautes) y Brais Maceiras (acordión).