'Los Asturianos na cocina. La vida cotidiana n'Asturias (1800-1965)'

Esta esposición presenta la vida de los asturianos y la so evolución nos dos sieglos últimos al traviés del espaciu más relevante de la casa: la cocina. Un espaciu esencialmente femenín, nel que trescurría gran parte de la vida doméstica. Ye por ello que la cocina y l'axuar domésticu cuenten munches cosas sobre los asturianos: la so actividá económica, los sos gustos y intereses, los sos cambios na alimentación, les sos diferencies sociales y el so mou d'afrontar la vida.