Lorenzo Sandoval: 'Shadow Writing (Algoritmo/Quipu)'

El proyeutu empieza formal y conceptualmente dende dos elementos: l'orixe de los algoritmos y de los quipus.

La primer investigación va tomar el so puntu de partida na figura de Muḥammad ibn Mūsā al-Khwārizm. El so apellíu llatinizáu (al-Khwārizm) dio'l nome a ún de los sos descubrimientos, l'algoritmu. Esti eruditu musulmán del sieglu IX foi l'inventor d'un gran númberu de descubrimientos matemáticos, tales como l'álxebra. Dende la so figura, el proyeutu va esquizar cómo les matemátiques foron un llinguaxe tresnacional que cruciól tol Mediterraneu y coneutó distintes tradiciones de pensamientu. Amás, tuvieron una gran influencia na concepción estética del Islam tocantes a arquiteutura y sistemes de representación espiritual del mundu.

El segundu puntu de partida va estudiar teoríes diverses que proponen los quipus de los inques como un sistema de computación y escritura. Los quipus yeren un sistema de rexistru usáu polos inques. El dispositivu taba fechu d'una serie de cuerdes nes que s'anotaba con un sistemes de nuedos. Entá hai discutinios abiertos sobro si namái se dedicaba a rexistros numberales o tamién poéticos. Tamién s'alderica si'l sistema yera binariu o decimal.

El proyeutu va tomar estos dos elementos como dos llínees que s'enxareyen na narración pa poner en cuestión los oríxenes de la computación. El desenvolvimientu formal del proyeutu va utilizales combinando les ferramientes estétiques de dambos sistemes de pensamientu.

Producción fecha al traviés d'una residencia artística en 'Plataforma 0. Centro de Producción'.