L.E.V. Festival Xrmass: 'Uramado AR' de Julie Stephen Chheng

  • Esposiciones

Fecha: 

Llunes, Avientu 21, 2020 to Vienres, Avientu 31, 2021

Preciu: 

De baldre

Llugar: 

Esteriores de la Laboral y espigón d'El Fomento

Conceyu: 

  • Gijón/Xixón

'Uramado AR' ye una esperiencia en realidá aumentada al traviés del nuesu teléfonu intelixente cola qu'entamaremos la busca d'unes criatures peratractives que s'escuenden na ciudá: los Tanukis. Creada por Julie Stephen Chheng, l'aplicación convídanos a interactuar col espaciu y atopar a estos espíritus de la viesca que nos ayudarán a descubrir quiénes somos en realidá.

Los Tanukis tarán más o menos escondíos en dellos allugamientos del esterior de la Llaboral y l'espigón d'El Fomento. Cuando deamos con ellos, cobrarán vida y interactuarán con nós, faciéndonos entrugues y reaicionando a les nueses respuestes.

Estos seres máxicos guiaránnos al traviés d'una aventura na que cuestionaremos les nueses propies diferencies y la nuesa visión del mundu d'una forma llúdica y poética. Simplemente descarga l'aplicación pa somoguiate nesti mundu oníricu qu'alienda un mensaxe de fondu amor y almiración pola naturaleza.

Zircon - This is a contributing Drupal Theme
Design by WeebPal.