Les nuestres güeles

Esta esposición ye’l perguapu resultáu del trabayu de los grupos de fotografía de la Universidá Popular, coordinaos pol so profesor, Fernando González. Quier ser un homenaxe, un agasayu y un reconocimientu a les güeles, eses muyeres que lleven a recostines una vida entera de trabayu, crianza, vezos, alafagos, añaes y renuncies… Vivencies qu’apinen no más fondero de los sos güeyos. Con esta esposición, preténdese superar l’estereotipu y llegar a la realidá de muyeres mui diferentes que conducen, lleen, faen deporte o falen seliquino sentaes nun bancu.