'L'elisir d'amore'

Humor y tenrura dan la mano nesta obra maestra de Gaetano Donizetti. Una sátira elegante y sofisticada que cuenta la historia del inocente Nemorino, perdidamente namoráu de l'astuta y pícara Adina, a la que tamién fai la corte'l sarxentu Belcore. Nemorino compra al doctor Dulcamara, ¿arteru psicólogu o charrán ensin escupulicios?, un mestranzu que, supuestamente, infunde la chispa del amor cola idea de conquistar a Adina.

Esta comedia agriduz ye una de les xoyes de la ópera risible del sieglu XIX pola frescura vocal, l'acertada carauterización de los personaxes y la entrañable tenrura d'unos arquetipos llenos d'humanidá. Donizetti esplega un cantar enllenu de llixereza, claridá y guapura. La orquestación, bien pensada y brillante, axústase de forma perfeuta a cada situación.

'L'elisir d'amore' tuvo un ésitu trunfal y caltúvose en cartel 32 nueches consecutives nel Teatru della Cannobiana de Milán, dende'l so estrenu'l 12 de mayu de 1832.

Ficha artística
Adina: Beatriz Díaz.
Nemorino: José Bros.
Belcore: Edward Parks.
El doctor Dulcamara: Alessandro Corbelli.
Gianetta: Marta Ubieta.
Dirección musical: Óliver Díaz.
Dirección d'escena: Joan Anton Rechi.