'La mio muyer quier un metrosexual', de Traslluz

Enrique ye un home mui namoráu de la so muyer, que sufre pol desamor d'ella. Nun entiende por qué, de la nueche a la mañana, Ana yá nun lu quier. Carlos y Marta, unos amigos del matrimoniu, traten d'ayudalu pa buscar un alcuentru ente ellos, pero tolos intentos fracasen. Énte la insistencia por parte d'ellos pa entender esi cambiu de sentimientos, Ana termina confesando que nun-y gusta Enrique porque a ella gusten-y los homes metrosexuales.

Cuando Enrique s'entera, ta decidíu a facer tolo necesario pa recuperar el so amor. Asina, contrata a Olga, un esteticista que-y fai pasar pol calvariu de la depilación, la llimpieza de piel, l'exerciciu… Eso fai qu'Ana entame a sentir unos celos desenfrenaos por Olga.