'La ley de la selva', de La Westia Producciones

Elvira Lindo avéranos al absurdu de la situación de una pareya entregada al ostracismu de la so rellación, na que Lupe, el personaxe femenín, ilusiónase énte l'apaición d'un vecín con vida xabez que-y fai volar la so capacidá d'imaxinar y de volver a vivir. Podríamos dicir que Lupe intérnase nun antagonismu de 'Alicia nel país de les maravíes' viviendo la fábula de 'Lupe nel país de les velees', nel que los personaxes masculinos residen, igual que lo faen nel cuentu d'Alicia, el sombrereru llocu o'l gatu de Cheshire.

Asina, el públicu asistirá a la visualización d'un cuentu p'adultos en clave de comedia, frutu de la imaxinación de la llectora-narradora, Vir, que fadrá de conductora nun viaxe per esi país de maravíes absurdes.

Autora: Elvira Lindo.

Adaptación y direición: Francisco Pardo.

Ayudante direición: Ici Díaz.

Intérpretes: Isabel Marcos (Lupe), César Alonso (Rick / Indi / Tony) y Virginia Rey 'Vir' (narradora).

Escenografía: Yosune Cañas.

Vestuariu: Azucena Rico.

Diseñu d'illuminación: Francisco Pardo y Fernando Delgado.

Espaciu sonoru: Mario Viñuela.

Diseñu gráficu: Carlos Cancio.