La infamia

El gobernador d'un estáu de México alíase con un empresariu y paguen a un grupu de policíes pa que se desplacen hasta la otra punta del país a secuestrar a una periodista qu'espublizó un llibru onde los denuncia por trata de neñes. Esos policías pueden secuestrala 'llegalmente', torturala, matala pel camín y llanzar el so cuerpu a la mar, onde probablemente naide nun lu atopará nunca. Pueden desencadenar l'horror y salir totalmente impunes. O non…

Nel país más peligrosu pa ser periodista y activista hai muyeres que s'enfrenten al creciente poder políticu de la delincuencia organizada. Una d'elles ye Lydia Cacho, que desafía a políticos, mafiosos, pederastes y feminicides.

Esta función ta basada na so biografía, 'Memorias de una infamia', onde se retrata'l modus operandi d'un gobiernu cómpliz de la corrupción y la violencia, amás del testimoniu valiente de muyeres y neñes del so país.

• Autora: Lydia Cacho.
• Direición: José Martret.
• Repartu: Marta Nieto.
• Llargor: 75 minutos.