'La hierba crece en el convento', de La Capacha

Na tienda del conventu, que financia coles sos ventes les bones obres de les hermanes herbolaries, el famosu elixir de Santa María-Juana perdió tol esplendor que tuvo tiempu atrás, hasta'l puntu de poner en riesgu la economía d'esta comunidá peculiar. Por suerte o por desgracia, fina Sor Ana, la encargada de la destilería del conventu, lo que supondrá la llegada de Sor Inés, una monxa novicia revolucionaria que la reemplazará nesti cargu delicáu. Sor Inés inxeniarásela pa renovar la fórmula del elixir que da nome al conventu y decidirá añadi-y una yerba misteriosa a la preparación.

L'ésitu espectacular del preparáu nuevu dará mucho que falar y atrayerá al conventu a los pensionistes del pueblu, a dalgún qu'otru comerciante de reputación duldosa y hasta a un axente del orde. ¿Será ésti'l milagru últimu de Santa María-Juana?