Líneas al Vuelo. Ilustración y diseño gráfico en Asturias, 1879 - 1937

Nesta amuesa fadráse un percorríu dende les décades finales del sieglu XIX hasta'l deceniu de 1937, faciendo fincapié na espresión artística pero ensin escaecer la so conexón cola obra lliteraria o periodística tantu nel sector editorial astuiranu, español o hispanoamericanu.


La esposición, venceyada al proyectu d'investigación y detalláu estudiu lleváu a cabu pol historiador y críticu de arte Francisco Crabiffosse Cuesta, afonda na hestoria y l'analís de la ilustración y el diseñu gráficu n'Asturies dende los sos oríxenes nel postreru cuartu del sieglu XIX hasta la fienda creativa impuesta pola Guerra Civil y la so repercusión nos artistes exilados n'América.


Esti estudiu dexó un considerable arriquecimientu de les colecciones del Muséu Casa Natal de Xovellanos y del Muséu del Pueblu d’Asturies, al recuperar un importante númberu de materiales representativos de la brillosa producción de distintes promociones d'artistes asturianos que xugaron un destacáu papel nel contestu de la ilustración gráfica española y desenvolvieron un llinguaxe creativu qu'en munchos casos amuesa la identidá d'Asturies.


Tratar d'obres de gran interés artísticu y documental, munches d'elles presentaes al públicu per primer vegada por cuenta de esta esposición, na qu'amás de les colecciones municipales, cuntóse con interesantes aportaciones de la colección del Muséu ABC de Madrid, la Fundación Evaristo Valle, el Conceyu de Mieres, la Biblioteca d'Asturies, la Biblioteca Xovellanos y delles colecciones privaes.