Kuivi Pop Up: The Maricons / Axolotes Mexicanos

The Maricons algamen que l'intimismu pop y la llibertá salvaxe propia del post punk más desafiante se dean la mano nunos cantares que trescienden les modes pelegrines, atreviéndose a esplotar los instintos primarios dende un inesperáu plano de delicáu ruidismu que xuega a fundir lluz y escuridá.

El primer amor, la primer ruptura, los botellones nel parque, la cultura pop, l'anime xaponés y el desconciertu de dexar de ser un adolescente d'institutu y empezar a tener problemes de la vida adulta dan forma al universu d'Axolotes Mexicanos. Presenten ':3', el so tercer LP pa Elefant Records, el so discu definitivu onde esprimen fondamente les sos influencies principales (J-Pop, visual key, pop punk, hiper pop), too con un sentíu estraordinariu de la melodía y la canción que los emparenten por igual con clásicos del indie pop estatal como Juniper Moon o Meteosat, coles propuestes novedoses de 100 Gecs y les bandes sonores más irresistibles del manga xaponés.

Axolotes Mexicanos son un fenómenu único na escena estatal y la nave d'abastecimientu de munchos otros proyeutos como Carolina Durante, Confeti de Odio, No Fucks, Stephen Please o Temerario Mario.