'Junthhall-Pakeri', de Florencia de Titta

L'artista bonaerense considera decisiva la rellación ente los materiales cotidianos y les artes visuales, emplegando nel títulu del so proyeutu un términu de la raza aimara, que ye'l retazu col que les güeles indies cubren la so cabeza, como'l pretestu de partida pa la reivindicación del espaciu domésticu y l'arte femenín. La moza configura en sintonía con formes compositives ancestrales, como la espiral o la construcción escalonada.

La idea d'habitar tamién ye parte esencial del proyeutu, al traviés de la integración nel espaciu espositivu d'esa pallabra tornada a les 7 llingües más falaes del mundu (árabe, bengalí, castellanu, indostánicu, inglés, mandarín y rusu), cola fin d'evidenciar la so significación y defender la eliminación de les fronteres. Pa ello nútrese de téuniques analóxiques y dixitales, emplegando l'ensambrao de dellos texíos, la fotografía y el bordáu, al tiempo que dexa un güecu pa la poesía oral, que será otra clave na esposición.

Esta amuesa forma parte de les esposiciones d'AlNorte 2020.