'Joan Brossa. El juego de lo cotidiano'

Esposición itinerante nueva del Centru Niemeyer que, xunto cola amuesa fotográfica 'Centru Niemeyer. Reflexos d'Asturies', ta percorriendo dellos conceyos asturianos. Con esta iniciativa'l centru cultural busca fomentar el conocimientu de les tendencies y llinguaxes artísticos contemporáneos.

Les obres que componen la muestra formen la 'Edición Sarenco' al completu, un conxuntu de 25 poemes visuales compuestos por serigrafíes, litografíes, calcografíes y 'collages' sobre papel. Esti conxuntu artístico forma parte de la coleición propia del Centru Niemeyer gracies a la donación fecha pol galerista Miguel Marcos nel 2019 por mor de La esposición 'Joan Brossa & Alain Arias Misson. De la poesía a la pallabra, de la pallabra a la cai', qu'acoyó la Cúpula ente febreru y mayu d'aquel añu.

'Joan Brossa. El xuegu de lo cotidiano' reflexa'l dominiu absolutu que de la poesía tenía l'artista catalán. La so xenialidá trespasaba los límites y fronteres ente les artes, y coles sos creaciones demostraba que l'ámbitu de la poesía pue trescender el mundu de les lletres y algamar el de los oxetos, como asocede coles pieces de la 'Edición Sarenco'.

Tolos materiales de la esposición viaxen nuna maleta, que forma parte de l'amuesa y ta na instalación xunto coles obres. D'estilu 'retro', imitando a les feches en cueru a lo primero del sieglu XX y con una imaxe de Brossa nel frontal, esti elementu simboliza l'oxetivu d'esta exhibición: descentralizar l'actividá xenerada nel Centru Niemeyer creando proyeutos culturales que se puedan disfrutar en tol territoriu asturianu, contribuyendo asina a l'articulación del territoriu.

'Joan Brossa. El juego de lo cotidiano' inclúi un panel promocional de grandes dimensiones nel que los visitantes pueden facer semeyes que, al compartiles nes sos redes sociales cola etiqueta #NiemeyerJoanBrossa, van poder acceder de baldre a les esposiciones que'l centru cultural tenga disponibles nesos momentos.