Jazz Xixón: Kassa Overall

Kassa Overall ye músicu, maestru de ceremonies, cantante, productor y batería que combina la esperimentación de vanguardia con téuniques de producción de hip-hop llevando el nexo ente'l jazz y el rap a direiciones desconocíes, que reflexen un tresfondo musical panorámicu de la Costa Oeste G- Funk colos soníos underground de New York. Nos dos años últimos, Overall entamó cuatro proyeutos aclamaos pola crítica: 'I Think I’m Good' (nel sellu discográficu Brownswood Recordings de Gilles Peterson), 'Go Get Ice Cream And Listen To Jazz', 'Shades Of Flu' y 'Shades Of Flu 2', axuntando'l sofitu d'artistes visionarios como Virgil Abloh y Thom Yorke.

Sía cuál sía l'esperimentu, Overall caltiénse fiel al estilu de la batería de jazz na tradición de los sos mentores, Elvin Jones, Billy Higgins y Billy Hart, colos qu'estudió nel Oberlin Conservatory of Music.