Isaac et Nora & Fetén Fetén

La música popular nun entiende nin de fronteres nin de xeneraciones, pero sí de mezclase y atopase nun camín común: la resignificación de la música que naz de la verdá. Eso ye lo que van facer, xuntos sobre l'escenariu, per un llau, los burgaleses Fetén Fetén, auténticos orfebres de la canción tradicional d'acentu más global y babélicu; y per otru, la familia francesa d'orixe surcoreanu Isaac et Nora, auténticos prodixos a la hora de dotar de vida nueva el cancioneru popular llatinoamericanu.

Xuntos formarán un solu proyeutu sobre l'escenariu, entremeciendo, ente otres músiques, el repertoriu popular llatinoamericanu qu'Isaac et Nora cristalizó nel flamante y mui nuevu 'Latin & Love Studies' col repertoriu tanto instrumental como cantable (lliteralmente: de los dos volúmenes de los sos 'Cantables') de Fetén Fetén, nuna xira que los llevará per delles ciudaes del Estáu esta seronda.