Idiota

Dempués de montar Sótano, de Benet i Jornet, la mio primer esperiencia como director, punxime a buscar testos pa volver dirixir. El procesu de busca ye pa mi unu de los momentos fundamentales de la creación. Como actor, siempres intenté, na midida de les mios posibilidaes, faer aquello no que creía, testos que provocaren en mi un aprovecimientu, que me fixeren entrugues, que supunxeren un retu. El teatru ye una forma de ganame la vida, pero ye sobremanera una forma de ver la vida. Si como actor ye una pilastra fundamental esa identificación, como director ye absolutamente vertebral. Nun podría dirixir nada que nun me provoque la sensación de desafíu”.



D'esta miente afayó Israel Elejalde Idiota, el llibretu col qu'enceta'l so segundu montaxe como director. Robláu por Jordi Casanovas, una de les voces más interesantes de la escena española contemporanea, Fata propón un xuegu perversu que llogra treslladar al espectador de la comedia al thriller psicolóxicu más esmolecedor ensin apenes xarramicar.