I Puritani

'I Puritani', obra maestra de Bellini y del bel canto, estrenóse nel Théâtre-Italien de París el 25 de xineru del 1835. L'argumentu treslládanos a la Inglaterra del sieglu XVII, a la guerra civil ente los puritanos de Cromwell y los partidarios de Xacobu I Estuardo.

El desigual y confusu llibretu de Carlo Pepoli ta basáu nel drama francés 'Têtes rondes et cavaliers de Ancelot y Saintine'. Esti aspeuto de la obra vese compensao pola música de Bellini. El trabayu orquestal y el llinguaxe harmónicu son espléndidos. El compositor intenta crear una especie de continuum musical y tamién acabar colos llamaos núnberos zarraos que carauterizaben el xéneru. La partitura ta enllena de númberos musicales fabulosos como 'O rendetemi la speme', gran escena de la llocura d'Elvira; 'A te o cara', la cavatina que canta Arturo nel cuadru terceru del actu segundu; o'l dúu heroicu qu'interpreten Giorgio y Riccardo: 'Suoni la tromba' nel actu segundu.

Bellini non sólo recibió con esta obra la ovación del públicu, sinón que tamién foi mui emponderada polos compositores del so tiempu.

REPARTU

• Lord Gualtiero Valton: Luis López Navarro.
• Sir Giorgio: Luca Tittoto y Dominic Barberi.
• Lord Arturo Talbo: John Osborn y Alasdair Kent.
• Sir Riccardo Forth: Dalibor Jenis y Carlos Daza.
• Sir Bruno Roberton: Facundo Muñoz.
• Enrichetta di Francia: Laura Vila.
• Elvira: Irina Lungu y Beatriz de Sousa.

FICHA

• Producción: Teatro Real de Madrid, en coproducción col Teatro Municipal de Santiago de Chile.
• Direición musical: Iván López-Reynoso.
• Direición d'escena: Emilio Sagi.
• Diseñu d'escenografía: Daniel Bianco.
• Diseñu de vestuariu: Pepa Ojanguren.
• Diseñu d'illuminación: Eduardo Bravo.
• Direición del coru: Esteban Urzelai.

Cola participación de la Orquesta Oviedo Filarmonía y el Coro de la Ópera de Oviedo.