I Feria del Libro de Xixón

Col fin de promocionar el llibru y la llectura na ciudá, sofitando l'actividá de les editoriales asturianes y el comerciu de les llibreríes xixoneses, el Conceyu de Xixón pon en marcha la celebración d'una feria del llibru. Na so organización, encamentada a la Fundación Municipal de Cultura, Educación y Universidá Popular, collaboren l'Asociación Cultural de Libreros de Gijón, el Club de Editores al Margen, l'Asociación de Escritores Noveles, l'Asociación d'Escritores d'Asturies y la Unión de Comerciantes del Principado de Asturias.

Esta primer edición de la Feria del Llibru de Xixón va tener llugar ente los díes 15 y 18 de xunu nel Paséu de Begoña. Va haber nél 40 puestos de venta nos que van participar 25 llibreríes xixoneses y 18 editoriales, casi toes elles asturianes. La Rede Municipal de Biblioteques va tener tamién el so propiu stand pa dar a conocer los servicios municipales rellacionaos cola llectura.

Mientres la feria desenvolveráse un ampliu programa d'actividaes que van tener llugar nel mesmu Paséu de Begoña, nuna carpa instalada pa esti eventu y nel quioscu de la música; nel café Dindurra; y nel Centru de Cultura Antiguu Institutu.