I Capuleti e i Montecchi

Montescos y Capuletos, dos families que'l so venceyu nun va más allá del enfrentamientu y la guerra, nun puen aceptar, de nenguna manera, l'amor sublime ente Romeo y Giulietta. Esti odiu irracional que torga'l florecimientu d'un sentimientu tan auténticu y puru, inspiró una de les obres maestres de la lliteratura universal. Un amor que solo va poder completase más allá de la muerte.

Celos, odiu, rivalidá y amor fatal constitúin la trama d'esta ópera que representa una manifestación estrema del dominiu llíricu na era del bel cantar. Un relatu curtiu, incluyíu en Le novelle (1554) de Matteo Bandèllo, mui anterior y del que se sirvió'l mesmu Shakespeare pal so drama homónimu, tuvo mayor influencia nel llibretu de I Capuleti y i Montecchi que'l testu del autor inglés. Felice Romani presenta la hestoria d'un triángulu amorosu.

L'amor correspondíu ente Romeo y Julieta provoca'l plasmu d'un terceru en discordia, Tebaldo, que nagua casase con Giulietta. La muerte aparente de Giulietta y la muerte real de los dos namoraos conformen el desenllaz tráxicu tantu na ópera como nel drama de Shakespeare. La música de I Capuleti y i Montecchi tien un calter melódicu sobromanera enfáticu y llenu de fuerza romántico.