Hannah Epperson

Nacida en Utah, criada en Canadá, y residente en Brooklyn, la jovencísima Hannah Epperson atopó tiempu nel so intensu trasiegu vital pa, amás d'adquirir formación clásica como violinista, abandonar la dictadura de la partitura y atopar el so discursu. Apelando a una significativa economía de recursos (al citáu vigulín suma puramente loop station y voz) la norteamericana factura irresistibles cantares pop, papaes de maxa y emotividá. Súmase asina a esa fornada de músicos que, formaos nel conservatoriu, decidieron enfrentase al mundu col so preséu subvirtiendo les fronteres de la música popular. Definitivamente, l'arpa de Joanna Newsom, el chelo de Wes Swing y Ben Sollee, el contrabaxu de Nat Baldwin y Arthur Russell, y el vigulín de Andrew Bird, Owen Pallett o Patrick Wolf tienen una nueva aliada.