'Gigantes, el musical', de Saltantes Teatro

Una compañía de prestixu nacional sufre un incidente que nun-y dexa llegar al teatru onde tien d'actuar. Les xastres del teatru tienen más tiempu pa dar los últimos retoques al vestuariu, cortinaxes…, primero que llegue'l públicu.

El descubrimientu de que'l públicu yá ta sentáu nes sos llocalidaes brinda-yos el meyor escenariu pa dexar aprucir la so verdadera pasión y demostrar aquello que siempres quixeron ser. Tou ello arregláu por tarántules máxiques que piquen y remociquen a les adorables paisanes, peluques, vistíos, plumes, pianu, muncha música, pestañes postizas, tacones y, sobremanera rises, bien de rises.

Direutor: Miguel Cegarra.
Intérpretes: Nerea Vázquez, Yasmin Sadeghi y Javi Castro.
Convidaos: Beatriz Rico, José Manuel Iglesias, Beatriz Canteli, Alberto Rodríguez y Fernando Hevia.
Producción: Saltantes Teatro.