'Gente del Po', de Begoña Zubero

Begoña Zubero (Bilbao, 1962) formóse como fotógrafa en Madrid y New York. Dende los sos primeros proyeutos desenvolvió una fotografía de tesis d'impecable factura téunica, formal y estética, na que la documentación y investigación dexaron-y ellaborar unes imáxenes de gran caláu inteleutual.

Los sos postreros cuatro años de residencia n'Italia tuvieron como resultáu la serie qu'agora se presenta baxo'l suxerente títulu 'Gente del Po'. Esti proyeutu surdió tres el descubrimientu de la faceta de Michelangelo Antonioni como fotógrafu gracies a les imáxenes qu'acompañen al so artículu 'Per un filme sul fiume Po', publicáu nel 1939 na mítica revista 'Cinema'. Nél preguntaba si la manera de tornar a la topografía física y humana del ríu que perteneciera al paisaxe de la so mocedá tenía de ser al traviés del documental o la ficción.

Zubero retoma esta idea per mediu d'un aproximamientu fotográficu a los espacios esploraos por Antonioni, lo que dio como resultáu un complexu universu visual nel que'l paisaxe cobra protagonismu al traviés de la fotografía, la escultura, el videu y la instalación.