Festival d'Artes Escéniques SIN LÍMITES

ESCUELA DE ARTE ALARDE: "CORAZONADAS"
Alarde trabaya pola visibilidá de les capacidaes y el desenvolvimientu de les mesmes. La danza ayuda a toles persones a desenvolver les potencialidaes de manera integral y abre la puerta a la creación. "Corazonadas" ye un impulsu, una forma de danza pa la vida, onde proxectamos les nueses emociones ya intentamos tresmitiles al espectador/a. El nuesu corazón ta llenu de lluz, ganes ya ilusión pa siguir avanzando.

COLECTIVO EL BROTE: "QUEBRADAS E IMPERFECTAS"
Espectáculu de danza teatro, dirixíu por Davinia Descals ya interpretada por ella mesma y íñigo Martínez. Esta obra conecta directamente al públicu coles sensaciones, vivencies y emociones que pueden llegar a vivir y esperimentar, persones que carecen patoloxíes rares o desconocíes, dende un puntu de vista humanu y social. La coreografía de danza inclusiva y los testos de creación propia tresmítennos un mensaxe de superación, conflictu personal y social, sobreprotección, aceptación d'un cuerpu non normativu y avéranos con un testimoniu vivíu en primer persona a la patoloxía conocida popularmente como "enfermedá de los güesos de cristal", la osteogénesis imperfecta.

RAÚL HEREDIA Y ALE SUÁREZ
Esti dúo flamencu vienen dende Cádiz, Ramón Heredia, cantaor de Barbate, y Ale Suárez, guitarrista, xuntense pa ufiertar temes de flamencu tradicional, y más contemporaneos. Empezaron nel 2004 a actuar en distintos escenarios de tola xeografía española.

LA 9ª VERTEBRA Banda de pop-rock
formada n'Uviéu en 2016. El grupu ta integráu por Federico Alonso (batería), Miguel Alonso (baxu), Javier García (teclaos), Evan Alameda (guitarra) y Pelayo Fernández (guitarra, saxo y voz). El so soníu, llaráu de testures llatines, jazzísticas y roqueres, apueste por una rítmica fuerte y versátil que convida al baille, magar podríen clasificase les sos balaes como'l so puntu fuerte.

EVAN ALAMEDA - ROCK AND NOTES
Proyectu musical del músicu y compositor Evan Alameda, arreyáu en diversos proyectos musicales y sociales. La so música va dende'l rock más contundente hasta les balaes más relaxaes, pasando por composiciones con tintes folk y harmoníes traíes d'otres tierres. El so últimu trabayu, "Pictures in The Rain" ye una complexa obra na que los sos cantares afilvanen una hestoria al traviés
de los ritmos, melodíes y enerxíes cambiantes.

PRESENTEN
1. Patricia Carmona, fundadora del colectivu Liant la Troca y activista poles Aliances Feministes de les persones con diversidá funcional. Juan Pastor, suañador vocacional y presentador ocasional. Profesor universitariu veníu a menos.