Entrequatre

Nun ye posible atopar otru preséu que se colara con tanta facilidá y tan universalmente na música d'ámbitu popular como la guitarra. Dende Rusia hasta Hawai, dende África hasta la Patagonia, del jazz al reggae o al flamencu, son itinerarios que, con toles estaciones que queramos imaxinar, la guitarra percorrió y sigue percorriendo.
EntreQuatre, tres 33 años d'hestoria, presenta un programa de músiques de raigañu tradicional creaes especialmente pal cuartetu por grandes nomes de la creación musical española y llatinoamericana y que lleva por títulu GuitarEtnias.