Encaxadinos: Alicia Álvarez

Conciertu acústicu de música pop destináu a públicu infantil y familiar. L'autora y música Alicia Álvarez (voz y guitarra de Pauline en la Playa) interpreta en pequeñu formatu acústicu acompañada por David Varela los temes del so llibru-disco últimu entituláu 'Kikirikikí' y editáu por La Fabriquina/Araz.

Temes enllenos de tenrura y delicadeza que falen de los sentimientos, les emociones, la imaxinación o los mieos al traviés d'histories protagonizaes por animales, bichos, barquinos y otros tienros personaxes. Dalgunos d'estos temes incluyéronse na esitosa coleición de música infantil 'Bestiariu' creada pola autora y David Guardado y que sumen yá trés discos. Los otros cantares son inéditos y nesti trabayu que yá va pola so segunda edición.

'Kikirikikí' son ocho canciones n'asturianu con muncha poesía y costumismu que traten de facer homenaxe a los cuentos clásicos infantiles onde la naturaleza y los animales sirven pa esplicar el mundu a la reciella.