Encaja2: Tachenko / ENTRADAS AGOTADAS

La de Tachenko ye una carrera de percorríu llargu que pasó per diferentes etapes compartíes –siempre de forma clara y honesta– colos sos siguidores. Una trayeutoria qu'algama dende l'arremangu inicial y despreocupáu de 'Nieves y rescates' (Gelmar, 04) y 'Las jugadas imposibles' (Gelmar, 06), al máximu esplendor pop plenu en cantares pegadizos de 'Esta vida pide otra' (Limbo Starr, 08) y 'Os reís porque sois jóvenes' (Limbo Starr, 10).

Agora la banda paez conocedora y en paz col so llugar nel mundu y, llueu de 'El amor y las mayorías' (Limbo Starr, 13) y 'El comportamiento privado' (Limbo Starr, 15), el grupu lideráu por Sebas Puente y Sergio Vinadé presenta al universu la so madurez artística definitiva, concretada nel magníficu 'El don del vuelo sin el arte hermano del aterrizaje' (Limbo Starr, 2018).