El documental del mes: Diarios de Kandahar

Diarios de Kandahar ye'l testimoniu crudo y veraz d'un fotoperiodista mientres el períodu más intensu de la Guerra d'Afganistán. Un puntu de vista inéditu articuláu sobre la percepción de Louie Palu, superáu pola brutal situación que lu arrodia, y en conflictu permanente cola trivialidá de la so vida cuando vuelve a Norteamérica. Un documentu que dexa claro que lo más complicao d'un conflictu armáu nun ye entamalu, sinón rematalu.