El Arte Invitado. La Modernidad y el Informalismo como diálogo.
- Esposiciones
Fecha:
Llugar:
Conceyu:
- Gijón/Xixón
La esposición presenta una selección d'obres de la Colección Los Bragales realizada col enfotu de establecer un diálogu con delles de les pieces que conformen la esposición permanente del Muséu Casa Natal de Xovellanos.
La resultancia pon de relieve la esistencia de dos llínees de trabayu per parte d'un grupu de ceadores que desenvolvieron la mayor parte de la so producción na segunda metá del sieglu XX. Per un sitiu tán los artistes que, d'una manera más o menos evidente, rellacionense col informalismu como Tàpies, Millares y Canogar. L'astracción y la xestualidá que caractericen les propuestes informalistes, atopen un ecu evidente nos grandes llenzos d'Antonio Suárez y Orlando Pelayo que podemos ver na esposición permanente.
La segunda llínea de trabayu ta constituyida por aquelles propuestes qu'enllacen cola poética surrealista. Ente estes postreres taríen, dende obres de surrealistes hestóricos como Óscar Domínguez o Eugenio Granell, a otres como les pieces de Tharrats o Ponç que conecten col surrealismu de manera más sutil. De surrealismu tardíu podría calificase la obra d'Aurelio Suárez al igual que'l gran llenzu de Elías Díaz de clara filiación daliniana.
