'De Scheherezade', de Compañía María Pagés

L'espectáculu ye una narración poderosa construyida con solos y coreografíes corales, filaes de manera perfeuta. El so personaje axunta la singularidá individual de cada intérprete y la fuercia arrolladora del grupu.

Esta muyer, que ye toles muyeres, percuerre'l rellatu y comparte col públicu los sos conocimientos, contradicciones, amores, desamores, fuecies, fraxilidaes, inseguridaes, insatisfaiciones, soledaes. Comunica col alma abierta en canal la so rellación col cuerpu, el deséu, la maternidá y la igualdá entá non algamada…

Les coreografíes recueyen una diversidá femenina que s'apodera de l'aición pa conquistar l'escenariu real y simbólicamente. Son 13 muyeres qu'asalten l'escenariu, que ye l'escenariu de la vida.

Son toes muyeres que poseen una fuerte singularidá. Muyeres que piensen en clave coréutica y musical la pluralidá del xéneru que representen, más allá de les diferencies, yá sían físiques, étniques, relixoses, culturales o estétiques.

'De Scheherezade' esplora'l reportoriu musical popular y clásicu, faciendo una especial indagación na música marroquina. Trabaya coles partitures, reinterpreta y adapta cachos clásicos en clave flamenca. Pero fundamentalmente, crea músiques orixinales que compón Rubén Levaniegos, xunto a Sergio Ménem y David Moñiz, dirixíos por María Pagés, a partir del rellato dramatúrxicu y les lletres creas pa la obra.

La música, poro, percuerre'l diálogu llibre y hospitalariu ente la música clásica, popular y flamenca, interpretada por un cuartetu de cuerda y percusión, acompañaos por una voz árabe y dos voces flamenques.

Direición: María Pagés y El Arbi El Harti.

Coreografía, vestuariu y direición musical: María Pagés.

Dramaturxa y lletres: El Arbi El Harti.

Música: Rubén Levaniegos, Sergio Menem, David Moñiz y María Pagés.

Illuminación: Olga García, Zaida Domínguez, Pau Fullana y Dominique You.

Escenografía: María Pagés y El Arbi El Harti.

Videu: Jaime Dezcallar.

Realización vestuariu: Taller Calderón.