Cuadonga 2022: 'Cuadonga/Covadonga a través del arte'

  • Esposiciones
Cuadonga arte

Fecha: 

Vienres, Setiembre 9, 2022 to Domingu, Payares 6, 2022

Hora: 

De llunes a vienres: 11-14 y 17-21h (martes pesllao) / Domingu: 11-14h

Preciu: 

De baldre

Llugar: 

Sala d'esposiciones Sabadell-Herrero

Conceyu: 

  • Oviedo/Uviéu

Cuadonga, llugar de lleenda, viaxa misteriosa al traviés de los sieglos conquistando col so encantu especial artistes, viaxeros y pueblos enteros. La so lleenda forma yá parte de la historia, recoyéndose agora nuna muestra singular qu'axunta lo espiritual y lo artístico al traviés d'imáxenes que formen parte de la iconografía popular.

Dende Pelayo, héroe y guerreru bravu, hasta la rotundidá natural y relixosa de la contorna, Cuadonga foi referencia d'artistes, pelegrinos, turistes y xente interesao. Bona parte d'eses versiones recuéyense nesta esposición, comisariada por Alicia Vallina, doctora n'Historia del Arte y Estudios del Mundu Antiguu y funcionaria del Cuerpu Facultativu de Conservadores de Museos, cola mira d'ufiertar una visión singular y única qu'axunte historia, lleenda y mitu col puxu y la fortaleza que dan los símbolos.

Zircon - This is a contributing Drupal Theme
Design by WeebPal.