Corquiéu

Conciertu nel Festival Arcu Atlánticu.


El grupu fundase en 1997 en Ribeseya con cinco músicos qu'aunieron distintos enclinos musicales. Iván Vega (flauta trevesera de madera), Pablo Valdés (guitarra acústica), Roberto Suárez (gaita asturiana en sib y la) y David Mateos (Bodhran y caxón) monten un repertoriu con temes tradicionales asturianos y composiciones propies. A esta formación súmase Gema García (voz) en 2000, y el violinista Frankie Delgado en 2003. Con ellos collabora'l filólogu asturianu Xandru Martino Ruz, encargáu de poner lletra a les pieces cantaes qu'interpreta'l grupu. El grupu participa en distintos festivales europeos destacando'l Festival Intercélticu de Lorient (Bretaña), el 'Tonder Folk Festival' de Dinamarca, Les Anhinoises' (Bélxica) y el Festival de les islles Shettland (Escocia). Corquiéu sacó trés discos: 'La Barquera' (2001), 'Salia' (2005) y 'Suaña' (2010).