Clarinetistes cuentacuentos

Un entreteníu conciertu que pon n'escena una cuidadosa selección de cuentos musicaos y teatralizaos pol alumnáu del conservatoriu, arrexuntaos en distintes formaciones, y nel que se fomenta la participación activa del públicu.
Clarinetistes cuentacuentos ye'l nome col que'l Grupu de Clarinetes del Conservatoriu promueve vezos de llectura y de trabayu n'equipu, cola música como exa central, y que depués son espuestos al públicu a manera de Conciertu Didácticu. Ente los sos componentes incluyense al alumnáu de 8 años qu'empieza la so andadura musical triando les tables de los teatros dende'l primer momentu en qu'empecipien los sos estudios nel nuesu Centru.
Ente los cuentos que se van presentar nel conciertu figuren “Por cuatru esquinines de nada” de Jérôme Luillier y “Llibru del silenciu” de Deborah Underwood.
Una cita que nun se puede perder el profesoráu y les families que quieran reforzar el trabayu de l'amistá, la diversidá, el silenciu y l'atención.