Ciudá Sonora: Belako / Rata Negra

Ciudá Sonora ye un proyeutu entamáu pola Fundación Municipal de Cultura del Conceyu d'Uviéu en collaboración con cuatro sales de conciertos de la ciudá. La idea primera yera que se celebrara nes propies sales, asina como n'otros espacios venceyaos cola música, incluyendo amás de conciertos, otres actividaes como charres, alcuentros y talleres, pero la situación actual derivada de la crisis de la COVID-19 fai que sía imposible nesti momento desendolcar el proyeutu como taba concebíu. Ye por ello que se presenta una adaptación del mesmu utilizando'l Teatru Filarmónica como espaciu central nel que les salas va presentar una amuesa de los conciertos que teníen programaos pa estes feches.

Nel casu de La Salvaje les bandes participantes son Belako, grupu vasco de soníu retro-futurista que canta n'inglés ensin dexar de llau l'eusquera nos sos temes, y los madrilanos Rata Negra cola so propuesta punk.

Por mor de les restricciones actuales pola crisis sanitaria pola pandemia de COVID-19, que nun permiten actividaes culturales con públicu, los conciertos van grabase en La Salvaje y emitise en llinia en feches próximes xunto con entrevistes a los miembros de les dos bandes. El 1 d'avientu va emitise na canal de YouTube 'Ciudad Sonora TV' el de Rata Negra y el 4, el de Belako.