Cine a la Lluz de la Lluna: 'Puñales por la espalda'

Rellatu detectiviegu, narráu con un estilu prestosamente clásicu, decididamente más qu'inspiráu nes obres de la escritora Agatha Christie. Pero ésta nun ye la única referencia al xénero de misteriu que tien la historia; los espectadores más espabilaos serán quien a descubrir un puñáu d'elles. La grandura d'esta película ye precisamente saber xugar con eses referencies y la complicidá del públicu para dir desendolcando una trama que presenta'l clásicu conflictu de quién ye l'asesín para dir atrapando'l nuesu interés nesti sorprendente enriedu criminal. Un repartu enllenu de cares conocíes xunío a una puesta n'escena cuidada y fermosa completen esta aventura prestosa.

Direutor: Rian Johnson.

País: Estaos Xuníos.

Añu: 2019.

Llargor: 130 minutos.

Repartu: Daniel Craig, Ana de Armas, Chris Evans, Jamie Lee Curtis, Toni Collette, Don Johnson, Michael Shannon, Christopher Plummer, Keith Stanfield, Katherine Langford y Jaeden Martell.

Guión: Rian Johnson.

Fotografía: Steve Yedlin.

Non recomendada pa menores de 12 años.