Cine a la Lluz de la Lluna: 'Primera plana'

El maestru Billy Wilder rodó esta tercer versión cinematográfica de la comedia periodística de Ben Hecht y Charles MacArthur, depués de les feches por Lewis Milestone nel 1931 y Howard Hawks nel 1940, ésta última baxo'l títulu de 'Luna nueva'. Un tema d'actualidá permanente ye la independencia de los medios de comunicación y l'usu del sensacionalismu a la hora d'ellaborar les noticies. Esta sátira de ritmu frenéticu coloca nel puntu de mira al mundu del periodismu, y tamién al de la política, apoyada nes grandes actuaciones de los sos protagonistes: Lemmon y Matthau, na tercer película de les diez nes qu'estos actores compartieron pantalla.

Direutor: Billy Wilder.

País: Estaos Xuníos.

Añu: 1974.

Llargor: 105 minutos.

Repartu: Jack Lemmon, Walter Matthau, Susan Sarandon, Vincent Gardenia, David Wayne, Allen Garfield, Austin Pendleton, Charles Durning, Herb Edelman, Martin Gabel y Carol Burnett.

Guión: Billy Wilder y I.A.L. Diamond a partir de la obra de Ben Hecht y Charles MacArthur.

Fotografía: Jordan Cronenweth.