Cine a la Lluz de la Lluna: 'Ocho sentencias de muerte'

Un mozu encegoláu desea vengar a la so madre llogrando acceder a un títulu nobiliariu del que la so familia foi desposeyida. Él ocupa'l novenu llugar na llinia socesoria a dichu títulu y lo que meyor se-y ocurre ye asesinar, una a una, a les ocho persones que tán per delantre na llista.

Una xoya más ofrecida pola productora inglesa Ealing na qu'un impresionante Alec Guiness atrévese a interpretar nada menos qu'a ocho personaxes diferentes. Comedia cínica, interpretada de forma ablucante pol so repartu, ye un rellatu esparatáu non faltu d'una potente carga d'ironía mui bien dirixida.

Direutor: Robert Hamer.

Estáu: Reinu Xuníu.

Añu: 1949.

Llargor: 106 minutos.

Guión: Robert Hamer y John Dighton a partir de la novela de Roy Horniman.

Fotografía: Douglas Slocombe (B/N).

Repartu: Dennis Price, Alec Guinness, Joan Greenwood, Valerie Hobson, Audrey Fields, John Penrose, John Salew, Arthur Lowe, Clive Morton y Hugh Griffith.

Non recomendada pa menores de 12 años.