Cine a la Lluz de la Lluna: 'M.A.S.H.'

Ambientada nun campamentu médicu del exército estauxunidense na Guerra de Corea, a lo primero de los años 50, la historia preséntase como un evidente allegatu antibelicista nel momentu en qu'Estaos Xuníos taba metíu na Guerra de Vietnam. La llegada de dos ciruxanos desvergonzaos al campamentu ximelgará la convivencia xenerando situaciones más que singulares pa un paisaxe de guerra.

L'humor como antídotu y como arma frente a l'afaramientu inmisericorde de los conflictos armaos. Un 'vaudeville' magníficu cargáu d'humanidá.

• Direutor: Robert Altman.
• País: Estaos Xuníos.
• Añu: 1970.
• Llargor: 116 minutos.
• Repartu: Donald Sutherland, Elliott Gould, Tom Skerritt, Sally Kellerman, Robert Duvall, Jo Ann Pflug, Rene Auberjonois, Bud Cort, Fred Williamson, John Schuck y Gary Burghoff.
• Guión: Ring Lardner Jr. a partir de la novela de Richard Hooker.
• Fotografía: Harold Stine.

Non recomendada pa menores de 18 años.