Cine a la Lluz de la Lluna: 'El invisible Harvey'

James Stewart tien un collaciu col que pasa allegremente'l so tiempu. L'amigu llámase Harvey y ye un coneyu que mide dos metros d'altor. Magar que la naturalidá cola que lleva esta rellación peculiar, el restu de persones del so entornu nun termina de tar convencío de la esistencia de Harvey porque esta criatura fantástica ye namái visible pa él. Naide más pue velu, por esa razón la so hermana decide llevalu a un centru de salú mental pa que traten de curar estes allucinaciones. Una mui prestosa comedia con toques estravagantes que col tiempu reivindicóse como una obra de cultu, d'espíritu llibre.

Direutor: Henry Koster.

País: Estaos Xuníos.

Añu: 1950.

Llargor: 104 minutos.

Repartu: James Stewart, Josephine Hull, Peggy Dow, Charles Drake, Cecil Kellaway, Jesse White, Victoria Horne y Wallace Ford.

Guión: Mary Chase y Oscar Brodney a partir de la novela de Mary Chase.

Fotografía: William H. Daniels (B/N).