Ciclo de Folk de Cámara 'Ígor Medio'

El Ciclu de Folk de Cámara 'Ígor Medio', incluyíu nel programa 'Los Conciertos del Muséu' promovíu en collaboración con les Juventudes Musicales de Gijón col oxetivu de difundir y sofitar l'actividá artística de mozos solistes y agrupaciones de cámara, lleva una edición más al Muséu Casa Natal de Xovellanos la música folk asturiana n'acústicu (ensin nengún tipu d'amplificación) y en formatu pequeñu, xuntando a músicos de formaciones diverses.


Los 'Conciertos del Muséu' celébrense nel patiu del Muséu Casa Natal de Xovellanos en dellos ciclos a lo llargo del añu, participando cada temporada figures moces de la música clásica, na so mayoría ganadores de los concursos estatales y internacionales entamaos por Juventudes Musicales de España; magar tamién hai sitiu pa la música contemporánea y, como nesta ocasión, pa la música folk col ciclu biañal dedicáu a la memoria d'Ígor Medio, gran músicu y cercanu collaborador de Juventudes Musicales de Gijón hasta'l so fallecimientu repentín.


Programa:


Vienres 16: Leticia Baselgas (voz y pandereta), Elías García (bouzouki) y Rubén Bada (vigulín, mandola y voz).


Vienres 23: Gonzalo Llao (bouzuoki y voz), Pedro Sanjurjo (xiblata) y Miguel Villar (vigulín).


Vienres 30. José Martinez 'Ún de Grao' (guitarra y voz), Pepín de Muñalén (flauta y saxo) y Tony Cruz (contrabaxu).