Chema Madoz. El viajero inmóvil

Miraes d'Asturies ye una iniciativa de llargu percorríu de la Fundación María Cristina Masaveu Peterson para promover, dende'l mecenalgu, la creación d'un fondu d'obra inédita inspirada n'Asturies y les sos xentes, a partir de la visión íntima y personal de prestixosos fotógrafos invitaos. Con un respetu absolutu pola so llibertá creativa, l'actividá xenera una ambiciosa dinámica, materializada pola singular mirada de los Premios Nacionales de Fotografía.


Hasta la fecha participaron nel proyectu Alberto García-Alix, José Manuel Ballester, Ouka Leele y Joan Fontcuberta.


Esta quinta edición de Miraes d'Asturies tien como fotógrafu invitáu a Chema Madoz (Madrid, 1958), Premiu Nacional de Fotografía nel añu 2000 que presenta nel Muséu de Belles Artes d'Asturies una esposición formada por 34 fotografíes inédites y un video.


Chema Madoz realiza les sos fotografíes a partir de la manipulación de les imaxes y los oxetos cotidianos para afayar nuevos aspeutos de les sos capacidaes simbóliques. Para realizar esta esposición, que presenta col títulu d'El viaxeru inmóvil, Chema Madoz tuvo que realizar el trayectu inversu al avezáu nel so trabayu. Esta vegada nun son los oxetos y los sos significantes llibres los que tienen la palabra, sinón que ye la mesma idea d'Asturies la que se convierte nel oxetu a mirar y definir.