'Centru Niemeyer. Reflexos d'Asturies'

  • Esposiciones

Fecha: 

Xueves, Febreru 3, 2022 to Xueves, Febreru 24, 2022

Hora: 

De lunes a viernes de 12 a 14 y de 17 a 21h

Preciu: 

Gratis

Llugar: 

Casa de Cultura Teodoro Cuesta

Conceyu: 

  • Mieres

Baxo'l títulu 'Centru Niemeyer. Reflexos d'Asturies' amuésense 60 fotografías y 3 reproducciones artísticas centraes nel complexu cultural diseñáu por Oscar Niemeyer. Al traviés d'elles percuérrense los primeros pasos de les obres nel añu 2007, el conxuntu del procesu constructivu, el resultáu final –presentando al Centru Niemeyer como obra d'arte en sí mesma– y dalgunos testimonios gráficos que recueyen actividaes culturales destacaes que se desendolcaron nos sos espacios a lo llargo d'estos años.

Tres la so inauguración en Llanes y el so pasu per Grau, Valdés, Navia, Ḷḷena, Tinéu, Cabranes, Somiedo, Colunga, Samartín del Rei Aurelio, Ayer, Ponga, Cangues d'Onís, El Franco y Morcín, la esposición, producida pol Centru Niemeyer y patrocinada por Caja Rural de Asturias, sigue'l so viaxe nuna sede nueva: la Casa Municipal de Cultura de Mieres. Ésta nun será la última ocasión na que se podrá ver la muestra, yá que ta concebida como itinerante y pretende llegar a dellos conceyos asturianos a lo llargo de los meses próximos.

'Centro Niemeyer. Reflexos d'Asturies' inclúi semeyes de Pablo Alonso, José Manuel Ballester, Manuel Carranza, Javier Granda, Ángela Herrero, Fernando Manso, Ramón Vaquero, Nardo Villaboy, ArteFoto, Conceyu d'Avilés y Turismu d'Asturies, amás de reproducciones artístiques de Samuel Armas y Itziar Sánchez Chicharro.

Zircon - This is a contributing Drupal Theme
Design by WeebPal.