'Celestina, la tragicomedia'

Destaca nesta versión la presencia constante de los actores n'escena, desarrollando una interpretación coral que potencia la fuercia de les imáxenes, asina como los numberosos cánticos interpretaos en direuto. La puesta n'escena sorraya l'atmósfera de peligrosidá y escuridá de les cais medievales apoyándose en clarescuros. La versión pon en valor la modernidá de la obra, qu'amuesa l'ansia pol dineru a cualesquier preciu, la corrupción, la rebeldía de la muyer y la desigualdá social, toos ellos elementos preponderantes nel testu, a pesar de que foi escritu hai mediu millar d'años.

Ensin dulda, 'La Celestina' supón el cume del teatru en llingua castellana de tolos tiempos y el so personaxe principal, ún de los más importantes de xéneru femenín na historia del teatru universal. El montaxe d'Atalaya apóyase nun ritmu frenéticu de l'aición y una riqueza musical fuera de lo común, que propicia'l propiu testu, proyeutando personaxes grotescos, pero, al empar, tremendamente humanos.

Repartu: Carmen Gallardo, Lidia Mauduit, Raúl Vera, Jerónimo Arenal, Silvia Garzón, Manuel Asensio y María Sanz.

Direición y adaptación: Ricardo Iniesta.