Casas y cosas, cuentadibujos musical de Pez Luna Teatro

¿Ónde nacen les idees? ¿Nos llibros? ¿Nes nubes?

Nun faru blancu vive la señorita Mass. Una nueche recibe la misteriosa visita del señor Moss y el señor Miss, dos particulares marineros que lleguen cargaos con un montón de… ¿coses? ¡Non! ¡Cases! ¡Cases de colores! Nel so pueblu cola pintura que sobra de los barcos pinten les sos ¿Coses? ¡Non! ¡Cases! Cuando abren la puerta de la casa colorada ciérrase la ventana de la casa verde, el teyáu de la casa rosa cólase volando y la chimenea de la casa azul glaya: ¡idea!

A l'amanecida el faru blancu ta habitáu de llínees, llurdios, borratajos y peces parlanchines.