Bárbara Hendricks

Nació en Stephens, Arkansas, y graduóse en Música na Juilliard School of Music de Nueva York onde estudió cola mezzo-soprano Jennie Tourel. A los 20 años yá se graduara en Matemátiques y en Química na Universidá de Nebraska.


En 1974 debutó n'Estaos Xuníos y n'Europa, na Opera de San Francisco y nel Festival Glyndebourne, respectivamente, empecipiando asina una carrera que llevóla a los principales escenarios d'Opera de tol mundu. Cuenta con un repertoriu que toma más de 20 personaxes d'opera, 12 de los cualos yá fueron grabaos. Apocayá añedió al so repertoriu'l papel de Tatiana en 'Eugene Oneguin'. Debutó nel cine con Mimi de 'La Bohéme' so la dirección Luigi Comencini. En 1994 participó n'una producción cinematográfica internacional de 'The Rake's Progress' interpretando'l rol d'Anne Truelove, so la dirección d'Esa-Pekka Salonen.


Barbara Hendricks debutó nel mundu del jazz nel Festival de Montreux en 1994 y de magar, actúa regularmente en renombraos festivales de jazz de tol mundu.