Axolotes Mexicanos

Si hai un grupu na actualidá que pueda ser símbolu vivu de la insultante y impertinente rebeldía que vive venceyada a la mocedá más respondona, ésos ensin dulda son Axolotes Mexicanos. Van del punk trestornáu al pop electrónicu más maqueteru y xuguetón con enerxía y muncha solidez. Col sofitu de Carlos René na producción, qu'amás toca con ellos en direuto, Juan y Olaya Pedrayes firmaron un álbum sorprendente, 'Salu2', en formatu vinilu y dixital, que ta llamáu a arramar ríos de tinta...

Axolotes Mexicanos son Olaya Pedrayes (voz y teclaos), Juan Pedrayes (batería), Carlos René (baxu), Lucas de la Iglesia (guitarra) y Mario del Valle (guitarra).