'Austrias y Borbones: Príncipes y Princesas de Asturias, y Reyes de España'

Con motivu de la entrega del Premio Princesa de Asturias de Comunicación y Humanidades 2019 al Museo del Prado, el Muséu de Belles Artes d'Asturies en collaboración cola institución gallardonada y la Fundación Princesa de Asturias entamen la esposición 'Austrias y Borbones: Príncipes y Princesas de Asturias, y Reyes de España' pa los meses d'ochobre y avientu del 2019.

Una amuesa na que, al traviés de nueve obres, preténdese facer un percorríu polo que foi una de les manifestaciones más importantes nel campu de la pintura mientres la Edá Moderna: la representación, dientro del retratu, de los distintos príncipes y princeses d'Asturias, asina como de reis d'España, por dalgunos de los pintores más destacaos, yá fueran reales o de cámara.

Cinco de las obres que se van esponer pertenecen al Museo Nacional del Prado y cuatro al Muséu de Belles Artes d'Asturies. Velázquez, Carreño de Miranda, Miguel Jacinto Meléndez, Jean Ranc y Anton Rafael Mengs serán dalgunos de los autores que se podrán ver.

Con motivu de la esposición va editase un catálogu con testos y fiches a cargu de los conservadores del Museo del Prado Javier Portús, Manuela Mena, Leticia Azcue y Juan José Luna, asina como Gabino Busto Hevia, del Muséu de Belles Artes d'Asturies.